РОТАРИД НЭГДЭХ 20-н ШАЛТГААН ГЭНЭ ДЭЭ

Хэн нэгний төлөө ямар нэг юм хийх боломж, энэхүү үйл явцын үед өөрийгөө сайжруулах боломж, түүнээс хүний өөрийн амьдралд буцаж ирэх сэтгэл ханамж.

2013 оны 2 дугаар сарын 9

Ротари Интернэшнлийн 2001-2002 оны Ерөнхийлөгч Richard D. King Ротарид нэгдэх дараах 20 шалтгааныг нэрлэж байна. 

1. Нөхөрлөл: Асуудал ихтэй энэ дэлхий дээр Ротари нь хүн төрөлхтний хамгийн энгийн хэрэгцээнүүдийн нэг болох нөхөрлөл, харилцааны хэрэгцээг хангадаг. Энэ бол 1905 онд анх Ротари эхлэх болсон хоёр шалтгааны нэг юм. 

2. Бизнесийн хөгжил: Ротаригийн эхлэлийн хоёр дох шалтгаан бол бизнесийн (ажил, мэргэжил гэсэн өргөн утгаараа) хөгжил юм. Бүх хүнд холбоо сүлжээ хэрэгтэй байдаг. Ротари бол бүхий л бизнесийн бүлгийн огтлолцох талбар юм. Түүний гишүүд амьдралын бүхий л замд таарна. Ротаричууд бие биендээ туслаж, нэгдэн нийлж бусдад тусалдаг. 

3. Хувийн өсөлт, хөгжил: Ротаригийн гишүүн байснаар хүмүүс хоорондын харилцаа, хувийн хөгжил тал дээр дээшлэн боловсордог.

4. Манлайлал. Ротари бол манлайлагч нар болон амжилттай хүмүүсийн байгууллага юм. Ротарид үйлчлэх гэдэг бол яг л коллежид сурахтай ижил. Манлайлал: - хэрхэн идэвхижүүлэх, нөлөөлөх болон манлайлагч нарыг манлайлахад суралцана. 

5. Нийгмийн гишүүн байх: Ротаригийн гишүүн байх нь хүнийг нийгмийн илүү сайн гишүүн болгодог. Дундаж Ротари клуб нь ямар ч нийгмийн хамгийн идэвхитэй гишүүдийг эгнээндээ багтааж байдаг. 

6. Боловсролоо үргэлжлүүлэх: Долоо хоног бүр Ротарид хэн нэг нь нийгэм, улс орон, дэлхий дахинаа юу болж байгааг мэдээллэхэд зориулсан хөтөлбөр байдаг. Уулзалт бүр өөр өөр илтгэгч, өргөн хүрээний цаг үеийн сэдвүүдийг сонсох боломж олгодог. 

7. Баяр хөөр: Ротари бол баяр хөөр, маш их баяр хөөр. Уулзалт бүр баяр хөөр. Клубын төслүүд баяр хөөр. Нийгмийн үйл ажиллагаанууд баяр хөөр. Үйлчлэл бол баяр хөөр. 

8. Илтгэх ур чадвар. Ротарид нэгдсэн олон хүмүүс олны өмнө юм ярихаасаа айдаг байсан. Ротари итгэлтэй байдал, олон нийттэй харилцах чадварыг хөгжүүлж, эдгээр чадварт дадлагажих, түүнийг сайжруулах боломж олгодог. 

9. Дэлхийн иргэн: Бүх Ротаричууд “Олон Улсын Ротари” гэсэн тэмдэг зүүдэг. Дэлхий дээр Ротари клуб байдаггүй цөөн газар байдаг. Бүх Ротаричууд 194 үндэстэн болон газар зүйн бүсийн 29000 клубын үйл ажиллагаанд оролцох нь нээлттэйгээр зогсохгүй үүнийг хөхиүлэн дэмждэг. Энэ бол зөвхөн өөрийн нийгмийн төдийгүй дэлхийн хүмүүстэй агшин зуур нөхөрлөнө гэсэн үг юм. 

10. Аялаж байхдаа дэмжлэг авах: Ротари клубүүд дэлхий даяар байдаг тул аялаж байх үед нь эмч, хуульч, буудал, шүдний эмч, зөвлөгөө зэрэг хэрэг болсон олон Ротаричууд Ротаригаар дамжуулан тусламж авдаг. 

11. Зугаа цэнгэл: Бүх Ротари клубүүд болон дүүрэг нь таныг ажлын завгүй амьдралаас чинь түр сатааруулах үдэшлэг, үйл ажиллагааг зохиодог. Ротари нь мэдээлэл, боловсрол, үйлчилгээний хажуугаар зугаа цэнгэл бүхий конференц, ассамблей, хурлуудыг зохион байгуулдаг. 

12. Харилцааны чадвар: Долоо хоног бүр, төрөл бүрийн арга хэмжээ, үйл ажиллагаагаараа дамжуулан Ротари нь хүний хувь хүний чанар, харилцааны чадвар, хүмүүстэй ажиллах чадварын хөгжүүлж байдаг. Ротари нь хүнд хайртай хүнд зориулагдсан. 

13. Гэр бүлийн хөтөлбөрүүд: Ротари нь дэлхийд томдоо тооцогдох залуучуудын солилцооны хөтөлбөр хэрэгжүүлж, ирээдүйн Ротаричууд болох ахлах сургуулийн болон коллежийн клубуудыг байгуулж , гэр бүлийн хүний оролцох боломжоор ханган, гэр бүлийн гишүүдийн хөгжилд туслах болон гэр бүлийн үнэт зүйлсийг хөгжүүлэхэд чиглэсэн үйл ажиллагаа явуулдаг.

14. Мэгэжлийн ур чадвар: Бүх Ротаичууд өөрийн ажил мэргэжлдээ өсөлт хөгжих, нийгэмд үйлчилэх, залуучуудыг ажил, мэргэжилдээ сургахад оролдог. Ротари нь хүнийг сайн эмч, хуульч, багш зэрэг сайн мэргэжилтэн болоход тусладаг. 

15. Ёс суртахууны хөгжил: Ротаричууд нь хүний ёс суртахууны стандартыг тусгасан 4 Шалгуурыг баримталдаг. Ротаричууд нь бизнесийн болон хувийн харилцаандаа ёс суртахуунтай байдаг.

16. Соёлын мэдлэг: Дэлхий даяар Ротари нь бүх шашин шүтлэг, улс, соёл, яс үндэс, итгэл үнэмшил, улс төрийн итгэл үнэмшил, хэл, арьсны өнгө болон ёс суртахууны онцлог бүхий хүмүүсийг эгнээндээ нэгтгэдэг. Энэ бол бүх нутаг дэвсгэрийн дэлхийн хамгийн цуутай иргэдийн огтлолцох хэсэг юм. Ротаричууд нь бусдын соёлйн талаар мэдлэгтэй болж, дэлхийн өнцөг булан бүрээс ирсэн хүмүүстэй ажиллаж, нөхөрлөж (хайрлаж) сурдаг. 

17. Нэр хүнд: Ротаригийн гишүүд бол цуутай хүмүүс: бизнес, мэргэжил, урлаг, төр, спорт, цэрэг, шашин болон бүхий л салбарын манлайлагчид. Ротари бол дэлхийн хамгийн ууган бөгөөд хамгийн нэр хүнд бүхий клуб юм. Энэ нь захирлууд, менежерүүд, мэргэжлийн хүмүүс зэрэг шийдвэр гаргадаг, бодлогод нөлөөлдөг хүмүүсийг нэгтгэдэг. 

18. Сайн хүмүүс: Ротаричууд бол юуны түрүүнд сайн хүмүүс – дэлхийн хамгийн сайн хүмүүс. Эдгээр хүмүүс бол чухал хүн байх нь сайхан ч, сайн хүн байх нь илүү чухал гэдэг зарчмыг дагадаг чухал хүмүүс юм. 

19. “Албан ёсны итгэл үнэмшил”-гүй байх: Ротарид нууц гар барилт, нууц бодлого, албан ёсны итгэл үнэмшил, нууц уулзалт эсвэл зан үйл гэж байдаггүй. Энэ бол зүгээр л бусдад туслаж байгаадаа итгэдэг эрэгтэй, эмэгтэй хүмүүсийн нэгдэл юм. 

20. Үйлчлэл үзүүлэх боломж: Ротари бол үйлчлэл үзүүлдэг клуб. Түүний бизнес нь хүн төрөлхтөн. Түүний бүтээгдэхүүн нь үйлчилгээ. Ротаричууд нь зөвхөн орон нутагтаа төдийгүй олон улсын хэмжээнд үйлчилгээ үзүүлдэг. Энэ бол магадгүй Ротаригийн гишүүн болох хамгийн гол шалтгаан байж болох юм: хэн нэгний төлөө ямар нэг юм хийх боломж, энэхүү үйл явцын үед өөрийгөө сайжруулах боломж, түүнээс хүний өөрийн амьдралд буцаж ирэх сэтгэл ханамж. Энэ бол үнэхээр ашиг тустай зүйл.